ప్రజల సమస్యల కోసం పోరాడే, వార్డు గురించి ఆలోచించే వ్యక్తిని ఎన్నుకోండి. AAPసయ్యద్ ఆవేస్.

ప్రజల సమస్యల కోసం పోరాడే, వార్డు గురించి ఆలోచించే వ్యక్తిని ఎన్నుకోండి.

తెలంగాణ ఫోకస్:

ఈ సందర్భంగా ఆమ్ ఆద్మీ పార్టీ ఆర్మూర్ నియోజకవర్గ ఇన్చార్జి సయ్యద్ ఆవేస్ మాట్లాడుతూ.. మనం సర్పంచ్‌గా ఎన్నుకునే వ్యక్తి వార్డు గురించి ఆలోచించేవాడై ఉండాలి, వార్డు ప్రజల సమస్యల కోసం పోరాడేవాడై ఉండాలి అనే విషయం ప్రతి ఒక్కరూ అర్థం చేసుకోవాలి. ఈ రోజుల్లో చాలా మందికి డబ్బు ఉంది, డబ్బు పెట్టి గెలుస్తామని అనుకుంటున్నారు. ఎలాగోలా గెలిచేయవచ్చని వారు భావిస్తున్నారు. వారు అలాగే ఉంటారు. కనీసం మనం అయినా మారాలి. ఈ రోజు లక్షలు లక్షలు ఖర్చు చేసేవారు, రేపు వాటిని తిరిగి సంపాదించుకోవడం గురించే ఆలోచిస్తారు. రేపు మీకు ఏదైనా సమస్య వచ్చినప్పుడు, మీరు కోరుకున్నది అడగలేరు. మీరు అడిగిన వారు కూడా మీరు కోరుకున్నది చేయలేరు. ఎందుకో మీకు తెలుసు. వార్డులోని ప్రజలందరూ ఒక్క క్షణం ఆలోచించాలి. వారు ఇచ్చే నోట్లు మనం ఇంతకు ముందు చూడనివి కావు. వారు ఇచ్చే బీర్లు, క్వార్టర్లు మనం ఇంతకు ముందు తాగనివి కావు. మన గురించి ఆలోచించే వ్యక్తిని ఎన్నుకుందాం. మన వార్డును విజయం వైపు నడిపిద్దాం. వర్షాలు పడినప్పుడు రోడ్లు పాడవుతాయి. వరదలు వచ్చినప్పుడు, మురుగు కాలువలు సమస్యల్లో ఉన్నప్పుడు, కులమతాలకు అతీతంగా మన పక్షాన నిలబడే నాయకుడిని ఎన్నుకుందాం. “ఒక విషయం నిజం.” యువత తలచుకుంటే, తెలంగాణకు కౌన్సిలర్ వస్తారు. “గెలవాలంటే ఓడిపోవాలి. ప్రయత్నం లేని విజయం మరణంతో సమానం.”